Hotel Bhagyeshree: यायलाच लागतंय! हॉटेल भाग्यश्रीचा मालक मराठा आंदोलनात सहभागी; 250 किलो फरसाण, 400 डझन बिस्कीटे अन् २ ट्रक भरून... VIDEO

मराठा आंदोलक मनोज जरांगे यांच्या आझाद मैदानावरील उपोषणाचा तिसरा आज सुरू आहे. मनोज जरांगे यांच्या आंदोलनाला पाठिंबा देण्यासाठी लाखोंच्या संख्येने मराठा बांधव हे मुंबईत धडकले आहेत. परंतु या सर्वांची पाणी पिण्याची आणि जेवणाची गैरसोय होत असल्याचा आरोप आंदोलक करत आहे. या आरोपानंतर राज्याच्या कानाकोपऱ्यातून अनेकजन जेवणाची शिदोरी पाठवत असल्याचे पाहायला मिळत आहे. भाग्यश्री हॉटेलचे मालक नागेश मडके यांनी देखील आंदोलकांना पाणी, फरसान, बिस्कीट आणि केळीने भरलेला ट्रक मुंबईला घेऊन आला आहे. तसेच यावेळी त्याने आंदोलन करताना मोठी घोषणा केली. जो पर्यंत आमचे मराठा बांधव खंबीरपणे उभे आहेत, तो पर्यंत जे कमी पडेल ते आम्ही पुरवणार तसेच नागेश मडकेने हॉटेल देखील सहा दिवस बंद करण्याचा निर्णय घेतला आहे.