अजय सोनावणे, मनमाड | साम टीव्ही
नाशिक जिल्ह्यातील मनमाडमध्ये एका बारमालकावर प्राणघातक हल्ला झाल्याची घटना घडली. दारू उधार दिली नाही म्हणून राग आला आणि परिणामांचा कुठलाही विचार न करता एका तरूणानं बारमालकावर जीवघेणा हल्ला केला. या प्रकरणी पोलिसांनी दोघांना अटक केली आहे.
दारू पिण्यासाठी दोघे जण आले होते. पण बारमालकानं त्यांना उधारीवर दारू देण्यास नकार दिला. त्याचा राग आला आणि दोघा तरुणांपैकी एकाने खिशातून सुरी काढली. त्यानं बारमालकावर प्राणघातक हल्ला केला. सुदैवाने या हल्ल्यातून बारमालक थोडक्यात बचावला. मनमाडमधल्या हॉटेल पंजाबमध्ये हा धक्कादायक प्रकार घडला. ही सर्व घटना सीसीटीव्ही कॅमेऱ्यात कैद झाली आहे. या हल्ल्यानंतर हॉटेल मालकाने पोलिसांत तक्रार दाखल केली. पोलिसांनी तातडीने दोघांना अटक केली. या घटनेचा व्यापारी महासंघानेही निषेध नोंदवला आहे. आरोपींवर कठोर कारवाई करण्यात यावी अशी मागणी महासंघाने केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.