Assembly Election 2024 News : महायुतीचा मुख्यमंत्रिपदाचा चेहरा कोण?

विधानपरिषद निवडणूकीतील विजयानंतर आत्मविश्वास वाढलेल्या महायुतीने विधानसभा निवडणुकांसाठी कंबर कसलीय. त्यातच भाजपने पुण्यात, शिंदे गटाने ठाण्यात तर अजित पवार गटाने वेगवेगळे मेळावे घेत जोरदार शक्तीप्रदर्शन केलंय. मात्र पुण्यातील भाजपच्या अधिवेशनात उपमुख्यमंत्री देवेंद्र फडणवीसांनी विधानसभेसाठी विशिष्ट चेहरा पुढे करणार नसल्याचे सांगत चेहऱ्याविनाच निवडणुका लढण्याचे संकेत दिले आहेत. विधानसभेसाठी महायुतीचा चेहरा कोण? याची सातत्याने चर्चा होत असते. त्यातच काही महिन्यांपुर्वी एकनाथ शिंदे हेच विधानसभेसाठी चेहरा असतील, असंही भाजपकडून जाहीर करण्यात आलं होतं. मात्र लोकसभेनंतर भाजपचे सूर हळुहळू बदलायला लागले आहेत. त्यातच विधानपरिषदेच्या विजयानंतर विधानसभा निवडणूका एकनाथ शिंदेंच्या नाही तर मोदींच्या नेतृत्वात लढण्याचे संकेत भाजपने दिले होते.