Maharashtra Rain Alert : आजही जोरदार पाऊस बरसणार, कोकण-ठाण्यात यलो अलर्ट | VIDEO

राज्याच्या काही भागांमध्ये पावसाने सध्या विश्रांती घेतली असली, तरी पुढील काही तासातं हवामानात मोठे बदल होण्याची शक्यता आहे. हवामान विभागानं कोकण आणि ठाणे भागात यलो अलर्ट जारी केला आहे. यामुळे या भागात मध्यम ते जोरदार पावसाचा अंदाज व्यक्त करण्यात आला आहे.

दरम्यान, मराठवाडा आणि विदर्भातील काही भागांमध्ये वादळी वाऱ्यासह पावसाची शक्यता वर्तवण्यात आली आहे. पुणे घाट, सातारा घाट, संभाजीनगर, जालना, बीड, लातूर, अमरावती, भंडारा, चंद्रपूर, गडचिरोली, गोंदिया, रायगड, रत्नागिरी आणि सिंधुदुर्ग या भागांमध्ये सुद्धा येलो अलर्ट देण्यात आला आहे. त्यामुळे नागरिकांना आवश्यक ती खबरदारी घेण्याचे आवाहन करण्यात आलं आहे. विशेषतः सखल भागातील नागरिक, शेतकरी आणि मच्छीमार बांधवांनी सतर्क राहावं, असे आवाहन स्थानिक प्रशासनाने केलं आहे.