Maharashtra Politics: नगरपंचायत निवडणुकीत नवे समीकरण; शिंदे-ठाकरे सेना एकत्र येणार? VIDEO

सिंधुदुर्ग जिल्ह्यात नगरपरिषद आणि नगरपंचायत निवडणुकीत भाजपने स्वबळाचा नारा दिल्यानंतर शिंदेंच्या शिवसेनेने आपली ताकद वाढवायला सुरू केली आहे. कणकवली नगरपंचायतीमध्ये भाजपचे इच्छुक उमेदवार समीर नलावडे यांच्या विरुद्ध महाविकास आघाडी आणि एकनाथ शिंदे सेना हे एकत्र येताना दिसत आहेत. यासाठी कणकवली शहर विकास आघाडीच्या माध्यमातून उद्धव ठाकरेंची शिवसेना आणि शिंदेंची शिवसेना या पदाधिकाऱ्यांची एकत्रित बैठक झाली असल्याची माहिती पुढे येत आहे. यामध्ये नगराध्यक्ष म्हणून ठाकरे गटाचे नेते संदेश पारकर यांचे नाव पुढे येत असून त्याला शिंदे शिवसेनेचा पाठिंबा असल्याचे देखील समजत आहे. तसे झाल्यास राज्याच्या राजकारणात नवीन समीकरण तयार होण्याची शक्यता आहे.