काँग्रेसचे माजी आमदार कैलास गोरंट्याल यांचा भाजप पक्षप्रवेश लांबणीवर गेला आहे. उद्या मुंबई येथे पक्षप्रवेश होणार असल्याची चर्चा होती. पण आता पुढील आठवड्यामध्ये देवेंद्र फडणवीस आणि रवींद्र चव्हाण यांच्या उपस्थितीत ते भाजपमध्ये पक्षप्रवेश करणार आहेत. आपला पक्षप्रवेश स्वतंत्र आणि तो मुख्यमंत्र्यांच्या उपस्थित व्हावा असा आग्रह कैलास गोरंट्याल यांनी धरला होता. त्यामुळे त्यांचा पक्षप्रवेश लांबणीवर गेला आहे.
मिळालेल्या माहितीनुसार, जालन्याचे काँग्रेसचे माजी आमदार कैलास गोरंट्याल यांचा उद्या होणारा भाजप प्रवेश काहीसा लांबणीवर पडणार आहे. आपला पक्षप्रवेश स्वतंत्र व्हावा आणि तो मुख्यमंत्र्यांच्या उपस्थित व्हावा असा काहीसा आग्रह कैलास गोरंट्याल यांनी धरला असून सुरेश वरपूडकर यांच्यासोबत पक्षप्रवेश नको, तर स्वतंत्र वेळ द्यावा, अशी मागणी त्यांनी भाजप नेते अशोक चव्हाण, आणि प्रदेशाध्यक्ष रवींद्र चव्हाण यांच्याकडे केली. याबाबतची माहिती त्यांनी स्वत:च दिली. दरम्यान आपण असंख्य कार्यकर्त्यांसह पुढच्या काही दिवसांत भाजपमध्ये प्रवेश करणार असल्याचे त्यांनी पुन्हा एकदा स्पष्ट केले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.