बारामतीत राजकीय खळबळ! अजित दादा सुपुत्र जय पवारांना उतरवणार रणांगणात? VIDEO

बारामती नगरपरिषद नगराध्यक्ष पदाच्या निवडणुकीवरून राजकीय वर्तुळात मोठी चर्चा सुरू झाली असून उपमुख्यमंत्री अजित पवार पुन्हा एकदा केंद्रस्थानी आहेत. 'अजित दादा जय पवारांना राजकारणात उतरविणार असल्याची चर्चा सुरू झाली आहे'. बारामती नगराध्यक्षपद खुल्या प्रवर्गासाठी असल्याने अनेकजण इच्छुक आहेत. त्यामुळे पक्षात होणारी संभाव्य गटबाजी आणि संघर्ष टाळण्यासाठी अजित पवार आपले सुपुत्र जय पवार यांना उमेदवारी देऊन धक्कातंत्राचा वापर करण्याची शक्यता वर्तवली जात आहे. या निवडणुकीत नवीन रचनेनुसार ४१ नगरसेवक निवडून जाणार असून, नगराध्यक्षपदासाठी जय पवारांचे नाव पुढे आल्यास बारामतीच्या राजकारणात मोठ्या घडामोडी घडण्याची शक्यता आहे.