Maharashtra Nurses Strike : आरोग्य यंत्रणा ठप्प होणार? नर्सचा संपाचा इशारा | VIDEO

राज्य सरकारच्या रुग्णालयांमध्ये कार्यरत सुमारे ३० हजार परिचारिका १८ जुलैपासून अनिश्चित काळासाठी संपावर जाणार आहेत. त्यामुळे सरकारी रुग्णालयांमधील आरोग्यसेवांवर मोठा परिणाम होण्याची शक्यता निर्माण झाली आहे. कंत्राटी पद्धतीने नियुक्त केलेल्या परिचारिकांची उपेक्षा हे या संपाचं मुख्य कारण आहे. त्यांच्या सेवाशर्ती, वेतनवाढ, कायम स्वरुपाची नोकरी या बाबी सरकारकडून दुर्लक्षित केल्या जात असल्याचा परिचारिकांचा आरोप आहे.

या पार्श्वभूमीवर १५ आणि १६ जुलै रोजी परिचारिका मुंबईतील आझाद मैदानात धरणं आंदोलन करणार आहेत. त्यानंतर १७ जुलैला एक दिवसाचा संप करण्यात येणार आहे. मात्र सरकारकडून अद्याप कोणताही सकारात्मक निर्णय न झाल्यास १८ जुलैपासून संपूर्ण राज्यातील ३० हजार परिचारिका अनिश्चित काळासाठी संपावर जाणार असल्याचं संघटनांकडून स्पष्ट करण्यात आलं आहे.