Raigad Fort Rain : किल्ले रायगडावर ढगफुटी सदृश्य पाऊस; धडकी भरवणारा VIDEO समोर

सध्या राज्यभरात सध्या मुसळधार पाऊस सुरू आहे. त्यामुळे नदी-नाले दुथडी भरून वाहत आहेत. किल्ले रायगडावर रविवारी संध्याकाळी ढगफुटीसदृश्य पाऊस झाला झालाय. यामुळे रायगडाच्या पायरी मार्गाला ओढ्याचे स्वरूप प्राप्त झाले होते. या पावसात पर्यटनासाठी आलेले अनेक पर्यटक अडकून पडले होते.

पावसाचा जोर कमी होताच या पर्यटकांनी किल्ल्यावरून धूम ठोकली. या पावसाचा व्हिडीओ समोर आला आहे. व्हिडीओत तुम्ही पाहू शकता, की ओढे-नाले दुथडी भरून वाहत आहेत. तर बुरुज आणि कड्यांवरून अक्षरशः धबधब्या प्रमाणे पावसाचे पाणी कोसळत आहेत.

ही भयानक परिस्थिती रायगडाच्या महादरवाजा परिसरात निर्माण झाली आहे. दरम्यान, येत्या काही तासांतच घाटमाथ्यावर पावसाचा जोर वाढणार असून पर्यटनासाठी गेलेल्या पर्यटकांनी काळजी घ्यावी, असं आवाहन करण्यात आलं आहे. त्याचबरोबर कुठलेही स्टंट करून जीव धोक्यात टाकू नका, असा सल्लाही देण्यात आला आहे.