Zika Virus News : राज्यात झिकाचे आठ रुग्ण, गरोदर महिलांना अधिक धोका

राज्यात झिका व्हायरसचा धोका वाढत आहे. गेल्या दोन महिन्यात राज्यात झिका व्हायरसचे आठ रुग्ण आढळले आहेत. पुण्यातील कोंढवा, एंरडवनमध्ये झिकाचे रुग्ण आढळले आहेत. तर कोल्हापूर आणि अहमदनगरमध्ये प्रत्येकी एक असा झिका व्हायरसचा रुग्ण आढळला आहे. या प्रकरणी वैद्यकीय अधिकाऱ्यांनी सतर्क राहण्याच्या सूचना केल्या आहेत. काय आहेत या व्हायरसची लक्षणे. सांधे दुखी, डोकेदुखी, ताप, डोळ्यांच्या बुबुळाच्या पुढील भागाचा होणारा दाह किंवा लाल डोळा, पुरळ, स्नायूंमध्ये वेदना ही संसर्गाची लक्षणे आहेत. ही लक्षणं एक आठवडा टिकू शकतात.