VIDEO: 25 महिलांशी लग्न करुन लाखो रुपयांचा गंडा घालणारा 'लखोबा लोखंडे' अखेर गजाआड

पालघरमधील नालासोपाऱ्यामध्ये नवा लखोबा लोखंडे अवतरल्याची घटना समोर येत आहे. आता लखोबा लोखंडे होता तरी कोण? असा प्रश्न सर्वांना पडला असेल. आचार्या अत्रे यांच्या 'तो मी नव्हेच' या नाटकातील लखोबा लोखंडे हे एक पात्र आहे. या नाटकातील लखोबा लोखंडेच्या पात्रालाही लाजवतील असे कारनामे पालघरमधील नालासोपाऱ्यातील ह्या नव्या लखोबाने केले आहेत. फिरोज नियाज शेख असं या लखोबाचे नाव असून या नव्या 'लखोबा'ने एक-दोन नव्हे, तर तब्बल २५ वेळा लग्न केले, आणि त्या पत्नींना लाखो रुपयांना गंडवल्याची घटना समोर येत आहे. पुण्यात देखील त्यांने अशा प्रकारे 4 महिलांना फसवले होते. त्याप्रकरणी तो जेलमध्येही जाऊन आला होता. मात्र त्यानंतरही त्याने फसवणूक सुरु ठेवत २५ महिलांशी लग्न करत त्यांना लाखो रुपयांचा गंडा घातला आहे. परंतु त्यातील एक लग्नाची बेडी या लखोबा लोखंडेला गडाआड घेऊन गेली आहे.