नंदुरबार जिल्ह्यातील कोंडाईबारी घाटात दरड कोसळल्याने मोठी वाहतूक कोंडी निर्माण झाली आहे. ही दरड दहिवेलहून विसरवाडीकडे जाणाऱ्या मुख्य मार्गावर कोसळल्याने वाहतूक पूर्णपणे ठप्प झाली आहे.दरड कोसळल्यामुळे मोठ्या प्रमाणावर दगड आणि माती रस्त्यावर आल्याने अनेक वाहने रस्त्यात अडकली आहेत. सध्या केवळ एका बाजूने वाहतूक सुरू असून, तीही अत्यंत संथगतीने सुरु आहे.
दरड हटवण्याचे काम जेसीबीच्या साहाय्याने युद्धपातळीवर सुरू असून, प्रशासन आणि आपत्कालीन यंत्रणा घटनास्थळी सतर्क आहेत. दरड कोसळल्यानंतर घाटात महामार्गावर मोठ्या प्रमाणात वाहतूक कोंडी निर्माण झाली असून, वाहनांच्या लांबच लांब रांगा लागल्याचे दृश्य दिसून येत आहे.प्रशासनाने नागरिकांना आणि वाहनचालकांना घाटात प्रवास करताना सावधानता बाळगण्याचे आवाहन केलं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.