Kolhapur News: कोल्हापुरात कृषी प्रदर्शनात गोंधळ; दोन तरुणांमध्ये फ्री स्टाईल हाणामारी|VIDEO

कोल्हापुरात भरवण्यात आलेल्या कृषी प्रदर्शनात रविवारी अचानक गोंधळाची परिस्थिती निर्माण झाली. दोन तरुणांमधील किरकोळ वाद चिघळला आणि त्याचे रूपांतर थेट फ्री स्टाईल हाणामारीत झाले. काही क्षणांतच वाद वाढत गेला आणि रागाच्या भरात तरुणांनी एकमेकांना जोरदार मारहाण केली.

अचानक सुरू झालेल्या या हाणामारीमुळे परिसरातील नागरिकांमध्ये घबराट पसरली. उपस्थितांनी दूर पळ काढत परिस्थिती टाळण्याचा प्रयत्न केला. दरम्यान, ही संपूर्ण घटना पाहणाऱ्या काहींनी मोबाईलवरून व्हिडिओ शूट केला आणि तो सोशल मीडियावर मोठ्या प्रमाणात व्हायरल होत आहे.

या प्रकरणाची माहिती मिळताच पोलिसांनी ठिकाणी धाव घेतली असून पुढील तपास सुरू असल्याचे सांगण्यात आले आहे.