Kolhapur Heavy Rain : कोल्हापूर जिल्ह्यात पावसाचा जोर, नागरिकांना सतर्क राहण्याचा इशारा|VIDEO

कोल्हापूर जिल्ह्यात मुसळधार पावसाला सुरुवात झाली आहे. जोरदार वारा आणि ढगांच्या गडगडाटासह पावसाला सुरुवात झाली असून वीज पडण्याची शक्यता असल्याने प्रशासनाने नागरिकांना सुरक्षित स्थळी थांबण्याचं आवाहन केलं आहे. अनेक घरांमध्ये पाणी शिरले, आणि शहरातील रस्ते पाण्याखाली गेल्यामुळे वाहतूक पूर्णपणे विस्कळीत झाली आहे .

पावसामुळे ओढे-नाले भरून वाहू लागले असून रस्ते पाण्याने भरले आहेत. काही भागांचा संपर्क तुटला आहे. प्रशासनाने नागरिकांना उघड्यावर न जाण्याचं आणि सुरक्षित ठिकाणी थांबण्याचं आवाहन केलं आहे. विजा चमकत असल्यामुळे मोबाईल, लोखंडी वस्तूंपासून दूर राहावं, असं सांगण्यात आलं आहे.