Kalyan Crime: दुकानदार पैसे परत देत नव्हता, तरूण संतापला, दुकानातच धक्कादायक कृत्य|VIDEO

कल्याण: शहरातील एका नामांकित कपड्यांच्या शोरूममध्ये धक्कादायक प्रकार घडला आहे. येथे एका युवतीने खरेदी केलेल्या लेहंगा-घागऱ्याची रक्कम परत मिळावी, या मागणीसाठी तिचा मित्र थेट गुंडगिरीवर उतरल्याचा प्रकार समोर आला आहे.

सुमित सयानी नावाचा तरुण आपल्या महिला मित्रासोबत शोरूममध्ये गेला होता. काही दिवसांपूर्वी त्याच्या मैत्रिणीने शोरूममधून एक लेहंगा-घागरा खरेदी केला होता. मात्र खरेदी केलेला ड्रेस नको असल्याने त्यांनी दुकानदाराकडे पैसे परत मागितले. त्याऐवजी दुसरे कपडे घ्या, अशी सूचना शोरूम चालकाने केली. मात्र पैशांची परतफेड करण्यास दुकानदाराने नकार दिला. यामुळे संतापलेल्या सुमित सयानीने थेट चाकू काढला, आणि दुकानातच लेहंगा-घागरा फाडून टाकला. त्यानंतर दुकानदाराला धमकी दिली की, “तुला पण असाच फाडेन, पैसे परत दे. ही संपूर्ण घटना सीसीटीव्हीत कैद झाली असून, महात्मा फुले पोलीस ठाण्याने सुमित सयानीला अटक केली आहे. या प्रकारामुळे परिसरात एकच खळबळ उडाली आहे.