Jalna News: जालन्यात बनावट सातबारावर सोयाबीन विक्री; चक्क शासनालाच घातला 1 कोटीचा गंडा| VIDEO

जालन्यात हमीभावात सोयाबीन विकण्यासाठी बनावट सातबारा उतारे, खोटा पिकपेरा जोडून शासनाची जवळपास 1 कोटी रुपयांची फसवणूक केल्याचा प्रकार उघडकीस आलाय. जालन्यातील अन्वा येथील विर छत्रपती सुशिक्षित बेरोजगार सहकारी संस्थेने 2093 क्विंटल सोयाबीन हमीभावात विकण्यासाठी बनावट सातबारा उतारे आणि खोटा पीकपेरा जोडून शासनाची फसवणूक केल्याचं उघडकीस आल आहे.

याप्रकरणी जालन्यातील पारध पोलीस ठाण्यामध्ये सहकारी संस्थेच्या अध्यक्षासह दहा जणांवर गुन्हा दाखल करण्यात आला आहे. या संस्थेने 2024- 2025 मध्ये 39 हजार क्विंटल सोयाबीन खरेदी केली असून त्यापैकी 2093 क्विंटल जास्तीच्या सोयाबीन पीकपेऱ्याची नोंद करुन हा अपहार केल्याच प्रथमदर्शनी उघडकीस आला आहे. या प्रकरणी प्रभारी पणन अधिकारी विजय राठोड यांच्या फिर्यादीवरुण पारध पोलीस ठाण्यात गुन्हा दाखल करण्यात आला आहे .मात्र या प्रकरणात पणन अधिकाऱ्यांनी प्रतिक्रिया देण्यास नकार दिला आहे.