Nandgaon Constituency News : नांदगावात भुजबळ - बोरसे समर्थकांत बाचाबाची; वातावरण तपलं |VIDEO

नाशिकच्या नांदगाव मतदारसंघात पुन्हा एकदा बोरसे आणि भुजबळ समर्थकांत हा राडा झाला आहे. यावेळी भुजबळ समर्थकाची कार ताब्यात घेण्याचा प्रयत्न करण्यात आला आहे. भुजबळ समर्थकांकडून पैसे वाटप करण्यात येत असल्याचा आरोप देखील बोरसे समर्थकांकडून करण्यात आला आहे. याच कारणावरून भुजबळ आणि बोरसे यांच्या समर्थकांत बाचाबाची झाली आहे. नांदगाव तालुक्यातील साकोरा या गावात हा सगळा राडा झाला आहे. या ठिकाणी भुजबळ यांचे समर्थक एका गाडीतून आले. त्यावेळी त्यांच्याकडून मतदारांना पैसे वाटप केलं जात आहे, असा संशय बोरसे यांच्या समर्थकांना आला. त्यानंतर त्यांनी या भुजबळ समर्थकांची गाडी ताब्यात घेण्याचा प्रयत्न केला. त्यानंतर दोन्ही गटाच्या समर्थकांत बाचाबाची झाली. त्यामुळे काही काळ परिसरात तणावाचं वातावरण निर्माण झालं होतं. त्यानंतर पोलिसांनी घटनास्थळी दाखल होऊन जमाव पांगवत भुजबळ समर्थकांना आणि गाडीला ताब्यात घेतलं.

Edited By Rakhi Rajput