Pune News : सलग तिसऱ्या दिवशी पुण्यात पावसाची हजेरी

पुण्यात बुधवारी दुपारनंतर मुसळधार पावसाने हजेरी लावली आहे. पुण्यात सलग तिसऱ्या दिवशी मुसळधार पाऊस बरसत आहे. पुण्यात मुसळधार पाऊस बरसत आहे. त्यामुळे आवश्यकतेनुसार मुठा नदी पात्रात विसर्ग सोडण्यात येईल, अशी माहिती जिल्हा प्रशासनाने दिली आहे.

या मुसळधार पावसामुळे पुण्यातील शिवाजी रस्त्याला नदीचे स्वरुप आलं आहे. गेल्या एका तासांपासून सुरु असलेल्या पावसामुळे सखल भागात पाणी साचलं आहे. पावसाच्या प्रमाणानुसार विसर्ग पुन्हा कमी/जास्त करण्याची शक्यता आहे, अशी माहिती प्रशासनाने दिली आहे. त्यामुळे धरणाजवळ राहणाऱ्या लोकांना सतर्क राहावे लागणार आहे. सद्यस्थितीत पुणे जिल्ह्यातील चारही धरणं १०० टक्के भरलेली आहेत. पुण्यातील धरणाच्या पाणी पातळीमधील झपाट्याने वाढ होत आहे.