Latur News : बळीराजावर आसमानी संकट !

लातूरच्या औसा तालुक्यातील उजणी परिसरात रविवारी रात्री झालेल्या मुसळधार पावसाळा सुरुवात झाली असल्यानं काढणीला आलेली पीक पाण्याखाली गेली आहेत. यामुळे शेतकरी हवालदिल झाला आहे.

लातूरच्या औसा तालुक्यातील उजणी, एकांबी तांडा, मसुरडी टाका या परिसरात अचानक ढगफुटी सदृश्य पाऊस झाल्याने शेतात पाणी झाले आहे. यामुळे काढणीला आलेल्या मग, सोयाबीन उडीद या पिकांचं मोठ्या प्रमाणात नुकसान झालं आहे. त्यामुळे शेतकऱ्याच्या हातातोंडाशी आलेला घास हिरावला गेला आहे. औसा तालुक्यातील सगळी पिकं सध्या पाण्याखाली गेलेली बघायला मिळत आहे. अचानक आलेल्या या पावसाने शेतकऱ्यांची चांगलीच तारांबळ उडवली. आधीच सोयबिनला भाव मिळत नसल्याने शेतकरी हैराण होता, त्यात आता होतंनव्हतं पिकही पावसामुळे व्यय गेलेलं आहे. त्यामुळे सरकारने लवकरात लवकर नुकसान भरपाई द्यावी अशी मागणी आता परिसरातील शेतकरी करत आहेत.