VIDEO: पर्यटकांसाठी आनंदाची बातमी, Lonavala Bhushi Dam ओव्हर फ्लो..

लोणावळा भागातील स्थानिक व्यवसायिक व पर्यटक मागील महिनाभरापासून भुशी धरण भरण्याची वाट पहात होते, तो क्षण आज आला. लोणावळा परिसरात शुक्रवार, शनिवारी झालेल्या जोरदार पावसाच्या सरी आणि रविवारी सकाळपासून पडत असलेला पाऊस यामुळे भुशी धरण ओव्हरफ्लो झालं आहे. पावसाळी पर्यटनाचे मध्यवर्ती ठिकाण असलेल्या लोणावळा शहरातील भुशी धरणावरील वर्षाविहार हा पर्यटकांचा आनंदाचा व आकर्षणाचा विषय असतो. मागील काही दिवसांपासून स्थानिक नागरीक व पर्यटक लोणावळ्यातील भुशी धरण फुल्ल होण्याची वाट पहात होते. धरणाच्या पायऱ्यांवरून पाणी वाहू लागल्याने स्थानिक विक्रेत्यांनी जल्लोष केला तसेच पर्यटकांनी देखील आनंद व्यक्त केला आहे.