VIDEO : सिंधुदुर्गात पावशी गावाला पुराचा वेढा, NDRF चे रेस्क्यू ऑपरेशन

विनायक वंजारे, साम टीव्ही, सिंधुदुर्ग

मुंबई, उपनगरं आणि कोकणासह संपूर्ण राज्यात पावसाचा जोर वाढला आहे. मुसळधार पावसानं मुंबईची तुंबई केली आहे. तर कोकणात हाहाकार माजवला आहे. कोकणातील सिंधुदुर्गातील कुडाळ शहराजवळच्या पावशी गावाला पुराच्या पाण्याने वेढा दिला आहे. या पुराच्या पाण्यात ग्रामस्थ अडकले आहेत. त्यांच्या बचावासाठी एनडीआरफचे पथक पोहोचले आहे. त्यांनी रेस्क्यू ऑपरेशन हाती घेतले होते. कुडाळचे तहसीलदार वीरसिंह वसावे हे स्वतः बचावकार्यासाठी घटनास्थळी पोहोचले आहेत.