कल्याण पूर्वेकडील पूणे लिंक रोडवर विजय नगर परिसरात पुन्हा एकदा भीषण अपघाताची घटना घडली आहे. ओव्हरटेक करताना एका दुचाकीची रस्त्याच्या कडेला उभ्या असलेल्या गॅस सिलेंडरच्या गाडीला जोरदार धडक बसली. धडकेनंतर दुचाकीवरील दोघे खाली पडले आणि त्याच वेळी पाठीमागून आलेल्या डंपरच्या चाकाखाली एक दुचाकीस्वार सापडल्याने त्याचा जागीच मृत्यू झाला आहे. दुसरा व्यक्ती गंभीर जखमी असून त्याच्यावर उपचार सुरू आहेत.
विजय नगर परिसरातील उतार असलेला रस्ता वारंवार अपघातांना आमंत्रण देत आहे. स्थानिक नागरिकांनी या परिसरात अपघात रोखण्यासाठी तातडीने उपाययोजना करण्याची मागणी प्रशासनाकडे केली आहे. पूणे लिंक रोडवरील हा उतार सध्या अपघाताचा हॉटस्पॉट ठरत असल्याने याकडे गांभीर्याने लक्ष देण्याची गरज व्यक्त होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.