VIDEO: Dharashiv मध्ये 'या' मागण्यांसाठी शेतकऱ्यांचं धरणे आंदोलन

विविध मागण्यांसाठी धाराशीवमधील शेतकऱ्यांचं धरणे आंदोलन सुरु आहे. केंद्र सरकारने 30 एप्रिल 2024 रोजी काढलेले परिपत्रक रद्द करावे या मुळ मागणीसह शेतकऱ्यांकडून हे आंदोलन करण्यात येत आहे. तसेच पिक विमा, नुकसान भरपाई द्यावी यासह न्यायालयात सुरु असलेल्या प्रकरणाची सुनावणी घेण्यात यावी, कांदा अनुदान, प्रोत्साहन अनुदान, दुष्काळाचे अनुदान शेतकऱ्यांच्या अशा अनेक मागण्या आहेत. धाराशिव येथील जिल्हाधिकारी कार्यालयासमोर शेतकऱ्यांचं हे धरणे आंदोलन सुरु असून यावेळी जिल्हाधिकारी कार्यालयावर मोर्चा काढण्यात आला आहे. शिवाय 2023 मधील पिक विमा शेतकऱ्यांना वाटप करण्यात यावा अशी देखील मागणी या शेतकऱ्यांकडून करण्यात येत आहे. 6 ऑगस्टपर्यंत मागण्या मान्य नाही झाल्यास 7 ऑगस्टपासून जिल्ह्यात विविध ठिकाणी मोर्चे काढण्याचा इशारा शेतकऱ्यांनी सरकारला दिला आहे.