Nagpur RTE News : नागपूरमध्ये शाळेत प्रवेश मिळवण्यासाठी बोगस कागदपत्र, गुन्हा दाखल

नागपूरात RTE कायद्याअंतर्गत नामांकित शाळेत प्रवेश मिळवण्यासाठी बनावट कागपत्र तयार केल्याने एकच खळबळ उडाली आहे. बनावट कागदपत्र तयार करणाऱ्या 17 पालकांवर गुन्हा दाखल करण्यात आला आहे. आर्थिक मागास असलेल्या कुटुंबियांच्या पाल्यांना RTE अंतर्गत प्रवेश दिला जातो. खोटे पत्ते, जात प्रमाणपत्र यासारखी कागदपत्र दलालांकडून तयार करून नागपुरातील नामांकित शाळेत प्रवेश मिळवला होता. शिक्षण विभागाच्या चौकशीत हा प्रकार उघडकीस आल्यानंतर जिल्हा परिषदेच्या शिक्षण विभागाच्या तक्रारीवर पोलिसांनी गुन्हा दाखल केला आहेय. पोलिसांनी अद्याप कोणाला अटक केली नाही. तरी यात बनावट कागपत्र तयार करून देणाऱ्यांचा शोध सुरू आहे.