EXCLUSIVE VIDEO : संभाजीनगरात पाणीप्रश्न पेटला, काँग्रेस कार्यकर्ते पालिकेच्या गेटवर चढले

रामनाथ ढाकणे | छत्रपती संभाजीनगर

छत्रपती संभाजीनगरमध्ये ऐन पावसाळ्यात पाणीप्रश्न पेटलाय. पाणीप्रश्नावरून काँग्रेसनं आंदोलन केलंय. महापालिकेच्या मुख्य प्रवेशद्वारावर महिला काँग्रेसने तीव्र आंदोलन केलं. या आंदोलनात महिला आणि शहरातील नागरिक मोठ्या संख्येने सहभागी झाले. महिला कार्यकर्त्यांनी निषेधाचे फलक घेऊन जोरदार घोषणाबाजी केली. महिलांनी हाती हंडे घेऊन महापालिका प्रशासनाच्या कारभाराविरोधात जोरदार घोषणाबाजी केली. शहरात टँकर माफिया वाढले असून, या टँकर माफियांवर कारवाई करा, अशी मागणी यावेळी नागरिकांनी केली. दरम्यान, काही वेळानंतर हे आंदोलन अधिक तीव्र झाले. काही कार्यकर्ते महापालिकेच्या गेटवर चढले होते. त्यांनी पालिकेविरोधात जोरदार घोषणाबाजी करून संताप व्यक्त केला.