Raigad Rain News: रायगडमध्ये मुसळधार पावसामुळे रेड अलर्ट जारी; जिल्ह्यातील शाळांना सुट्ट्या जाहीर!

रायगडमध्ये तुफान पावसाची (Raigad Rain) बॅटिंग सुरु आहे. रस्त्यांना नद्यांचं स्वरुप आलं आहे. मुसळधार पावसामुळे रायगड जिल्ह्याला रेड अलर्ट जारी करण्यात आला आहे. त्याचबरोबर जिल्ह्यातील शाळांना देखील सुट्टी जाहीर करण्यात आली आहे. सावित्री, कुंडलिका आणि अंबा नद्यांनी धोक्याची पातळी ओलांडली आहे. पाली, खोपोली या रस्त्यांवर पुराचं पाणी आलं आहे. मुसळधार पावसामुळे अनेक मार्ग हे वाहतुकीसाठी बंद करण्यात आले आहेत. रायगडमधील रोहा शहरात देखील पूरस्थिती निर्माण झाली आहे.