Kolhapur Rain Video : कोल्हापूरला रेड अलर्ट; मुसळधार पावसामुळे कोल्हापूर- रत्नागिरी राज्यमार्ग बंद!

अनेक दिवसांपासून जिल्ह्यात मुसळधार पाऊस सुरु आहे. कोल्हापुरात मुसळधार पावसाने थैमान घातलं आहे. राधानगरी धरणामध्ये साधारणता 96 टक्के पाणीसाठा आहे. कोणत्याही क्षणी राधानगरी धरणातील पाणी हे पंचगंगा नदीत येण्याची शक्यता वर्तवली जात आहे. त्यामुळे नदीकाठच्या गावांना जिल्हा प्रशासनाकडून सतर्कतेचा इशारा देण्यात आला आहे. कोल्हापूरला आज रेड अलर्ट जारी करण्यात आला आहे. अनेक ठिकाणी पाणी साचण्यास देखील सुरुवात झाली असून, रस्त्यांना नद्यांचं स्वरुप आलं आहे.