Ratnagiri Rain Video: खेडमधील जगबुडी नदीनं धोक्याची पातळी ओलांडली; खेड शहराला पुराचा धोका!

अनेक जिल्ह्यात पावसाने हाहा:कार माजवलाय. मुसळधार पावसामुळे नागरिकांचे जनजीवन हे विस्कळीत झालंय. दरम्यान रस्त्यांना नदीचे स्वरुप आलं आहे. याचा मोठा फटका हा वाहतुकीवर देखील बसलाय. खेडमधील जगबुडी नदीनं धोक्याची पातळी ओलांडली असल्याने रत्नागिरी जिल्ह्यातील खेड शहराला पुराचा धोका निर्माण झाला आहे. नदी- नाले तुडुंब भरुन वाहु लागले आहेत. तर अनेक ठिकाणी मुसळधार पावसामुळे दरड कोसळण्याच्या घटना समोर येत आहे. अनेक जिल्ह्यांना रेड अलर्ट प्रशासनाकडून जारी करण्यात आला आहे.