Dombivli MIDC Blast | बॉयलरमध्ये स्फोट! स्थानिकांमध्ये घबराट, डोंंबिवलीमध्ये नेमकं घडलं काय?

डोंबिवली : डोंबिवलीच्या एमआयडीसीमध्ये स्फोट झाला आहे. हा स्फोट इतका भीषण होता की आजूबाजूच्या इमारतींच्या काचा फुटल्या आहेत. या स्फोटात आतापर्यंत ३५ ते ४० जण जखमी झाले आहेत. या स्फोटामुळे स्थानिकांमध्ये घबराट पसरली आहे. डोंबिवलीच्या अनेक भागांत काचांचा खच पडला आहे. या दुर्घटनेत अद्याप कुणाचाही मृत्यू झाला नाही अशी माहिती मुख्यमंत्री एकनाथ शिंदे यांनी दिली आहे. बॉयलरमध्ये स्फोट झाल्यामुळे ही दुर्घटना झाल्याची प्राथमिक माहिती आहे. घटनेची माहिती मिळताच अग्निशमन दलाच्या गाड्या घटनास्थळी दाखल झाले आहेत. युद्धपातळीवर आग विझवण्याचे काम सुरू आहे.