Dharashiv: स्मशानभूमीच्या जागेवरून दोन गटात तुफान राडा, दगडफेकीत ५ पोलिस जखमी; पाहा VIDEO

धाराशिवच्या मोहा गावात दोन गटात तुफान राडा झाला. यावेळी जमावाने पोलिसांच्या गाड्यांवरही दगडफेक केली. स्मशानभूमीच्या जागेच्या वादातून मोहा गावात हा राडा झाला आहे. दगडफेकीत चार ते पाच पोलिस जखमी झाले आहेत. तसंच ८ ते १० गावकरी जखमी झाले आहेत. आदिवासी समाजाला स्मशानभूमीसाठी जागा दिलेली असताना वेगळीकडे अंत्यसंस्कार केल्याने वाद झाला. स्मशानभूमीच्या वादातून दोन दिवसांपासून गावात वाद दुमसत होता. सकाळी गावकरी आणि आदिवासी समाजाची वादावर तोडगा काढण्यासाठी बैठक होती. या बैठकीदरम्यान जमावाने दगडफेक केली. या दगडफेकीनंतर गावात तणावपूर्ण वातावरण आहे. सध्या मोहा गावाला छावणीचे स्वरूप आले आहे. गावामध्ये १५० पेक्षा जास्त पोलिसांचा फौजफाटा तैनात करण्यात आला आहे. तसंच गावामध्ये दंगल नियंत्रण पथक देखील तैनात करण्यात आले आहे.