एकनाथ शिंदेंच्या ‘महत्वाकांक्षी’ योजनांना फडणवीसांचा ब्रेक | VIDEO

लाडकी बहीण योजणेमुळे सरकारची तिजोरी रिकामी होत असून अनेक विभागांचा निधी महिला व बालविकास खात्याकडे वळवल्याचा दावा अनेकवेळा सरकारमधील मंत्र्यांनीच बोलवून दाखवला आहे. सामाजिक न्याय विभागाचा देखील निधी वळवल्याने सामाजिक न्याय खात्याचे मंत्री संजय शिरसाट यांनी देखील नाराजी व्यक्त केली होती. यामुळे आता गोरगरिबांसाठी सुरू केलेल्या अनेक योजना बंद असल्याचे आता समोर आले आहे. निधीअभावी तत्कालीन मुख्यमंत्री एकनाथ शिंदे यांची महत्वाकांक्षी आनंदाचा शिधा योजना बंद झाली आहे.

शिंदे यांनी केलेल्या आठ योजना आता मुख्यमंत्री देवेंद्र फडणवीसांनी बंद केल्या आहेत.

आनंदाचा शिधा योजना- बंद

माझी सुंदर शाळा योजना- बंद

1 रुपयात पीकविमा योजना- बंद

स्वच्छता मॉनिटर योजना- बंद

1 राज्य 1 गणवेश योजना- बंद

लाडक्या भावाला अपरेन्टीसशिप- बंद

योजनादूत योजना- बंद

मुख्यमंत्री तीर्थ दर्शन योजना- बंद

यावरच ठाकरे गटाचे नेते अंबादास दानवे म्हणाले, सरकारचा भंपकपणा जनतेसमोर मांडू. योजना बंद करणारे हे चालू सरकार आहे. निवडणुकांपूरत्या या योजनांचा भंपकपणा जनतेपुढे निश्चित मांडू असा इशारा अंबादास दानवे म्हणाले.