Eknath Khadse: प्रवेशाचा मुहूर्त ठरला? भाजपचं निमंत्रण एकनाथ खडसे स्वीकारणार?

भरात मोहोळकर, साम टीव्ही, प्रतिनिधी

लोकसभा निवडणूकीच्या आधी शरद पवारांना सोडून भाजपच्या वाटेवर असलेल्या खडसेंना अजूनही भाजपचं अधिकृत दार उघडलं नाही. त्यामुळे एकनाथ खडसे चांगलेच संतापले आहेत. त्यातच खडसेंनी शरद पवारांच्या पक्षातच राहण्याचे संकेत दिलेत.

लोकसभेला 4 महिने झाल्यानंतरही भाजपात अधिकृत प्रवेश न झाल्याने खडसेंनी राज्यातील नेतृत्वावर टीका केलीय. मात्र गणेशोत्सवानंतर खडसेंचा पक्षप्रवेश होण्याचे संकेत फडणवीसांनी दिलेत. दुसरीकडे गिरीश महाजनांनी खडसेंच्या प्रवेशावरून खोचक टोला लगावलाय. तर उपमुख्यमंत्री देवेंद्र फडणवीस म्हणाले आहेत की, गणेशोत्सवानंतर खडसेंबाबत निर्णय घेऊ.

लोकसभा निवडणूकीत सून रक्षा खडसेंना निवडून आणण्यासाठी एकनाथ खडसेंनी भाजपची वाट धरली आणि प्रवेशाच्या चर्चेचा धुरळा उडवला. आता त्यांचे कट्टर राजकीय विरोधक असलेल्या खुद्द फडणवीसांनीच खडसेंच्या प्रवेशाला ग्रीन सिग्नल दिलाय...त्यामुळे खडसे खरंच भाजपात प्रवेश करणार की आता मुलीचा विधानसभेचा मार्ग प्रशस्त करण्यासाठी पुन्हा तुतारी फुंकणार याबाबत उत्सुकता लागलीय.