VIDEO : मविआ ही कोविडच्या काळात मलिदा खाणारी गॅंग; फडणवीस यांची घणाघाती टीका | Marathi News

प्रेताच्या टाळूवरचे लोणी खाणं काय असतं? हे मविआ आणि उबाठाच्या लोकांना पाहून कळत. त्यांनी कोव्हिडमध्ये खिचडी चोरीमधून टाळूवरचे लोणी खाल्लं आहे. कोव्हिडमध्ये खिचडी चोरली, असा आरोप उपमुख्यमंत्री देवेंद्र फडणवीस यांनी विरोधकांवर केला आहे. शनिवारी दहिसर विधानसभा मतदारसंघाच्या महायुतीच्या अधिकृत उमेदवार मनिषा अशोक चौधरी यांच्या प्रचारार्थ आयोजित जाहीर सभेत ते बोलत होते.

पुढे बोलताना फडणवीस म्हणाले की, आपण ५ वर्षात ३५० किमीचं मेट्रो जाळं सुरु केलं. महायुतीचं सरकार आहे आणि गोपाळ शेट्टी, मनिषा ताईंसारखे आमदार आहेत म्हणून काम झालं. थीम पार्कचे देखील काम सुरु होणार आहे. मुंबईत २०१४-२४ मध्ये जवळपास मोदींच्या कार्यकाळात आपण परिवर्तन केलं. विकसित देश आणि महाराष्ट्र तयार करायचा असेल तर ५० टक्के माता भगिनींना सामाजिक आर्थिक केंद्र सुरु करावं लागेल. ११ लाख लखपती दीदी तयार केल्या, २०२८ पर्यंत ५० लाख लखपती दीदी तयार करणार आहोत. मविआनं वोट जिहाद यांनी सुरु केलंय, आम्ही कोणाविरोधात नाही. आम्ही मुस्लिम महिलांना देखील पैसे दिलेत, असंही यावेळी बोलताना फडणवीस यांनी म्हंटलं आहे.

Edited By Rakhi Rajput