Video: भिमाशंकर सहकारी साखर कारखान्याच्या सभेत राडा

Bhimashankar News: शरद पवार गटाकडून इच्छुक असणाऱ्या देवदत्त निकमांचे कार्यकर्ते आक्रमक झाल्याचं पहायला मिळालं. दिलीप वळसेंच्या समोर हा गदारोळ झाला. भीमाशंकर साखर कारखान्याच्या वार्षिक सर्व साधारण सभेत हा गोंधळ झालाय. मात्र त्यामुळं आगामी विधानसभेची किनार या घटनेला आहे. आजच्या सर्व साधारण सभेत बसण्याच्या मुद्द्यावरून वळसे आणि निकमांचे समर्थक एकमेकात भिडताना दिसले, दोन्ही बाजूंनी घोषणाबाजी झाल्यानं सभेत गदारोळ झाला. काहींनी तर सभागृहात खुर्च्या ही नाचवल्या. वळसे पाटलांसमोर हा गोंधळ झाला. वळसे पाटलांनी विनवणी केल्यानंतर ही कार्यकर्त्यांचा गदारोळ सुरुच होता. शेवटी पोलिसांना मध्यस्थी करावी लागली. त्यानंतर वातावरण निवळले आणि वार्षिक सर्वसाधारण सभा सुरू झाली.