Amit Shah : महायुती शपथविधी सोहळा; केंद्रीय गृहमंत्री अमित शहा मुंबईत दाखल

केंद्रीय गृहमंत्री अमित शहा मुंबईत दखल झाले आहेत. आज महायुती सरकारचा शपथविधी सोहळा मुंबईच्या आझाद मैदानावर पार पडत आहे. त्यासाठी अमित शहा हे मुंबईत दखल झाले आहेत. शपथविधी पूर्वी देवेंद्र फडणवीस, एकनाथ शिंदे आणि अजित पवार हे शहांची भेट घेणार आहेत.

भाजपचे चाणक्य अशी ओळख असलेले केंद्रीय गृहमंत्री अमित शहा हे महायुतीच्या शपथविधी सोहळ्यासाठी मुंबईत दखल झाले आहेत. राज्याच्या विधानसभा निवडणुकीत ऐतिहासिक विजय मिळवल्यानंतर 11 दिवसांनी महायुतीने काल सत्ता स्थापनेचा दावा राज्यपालांकडे दखल केला. त्यानंतर आज शपथविधी सोहळा होऊन महायुतीचं नवं सरकार स्थापन केलं जाणार आहे. तत्पूर्वी महायुतीचे तिन्ही नेते अमित शहा यांची भेट घेण्याची शक्यता आहे. यात खाते वाटप, मंत्री मंडळ अशा काही विषयांवर त्यांच्यात चर्चा होईल असं सूत्रांकडून सांगण्यात येत आहे.

Edited By Rakhi Rajput