Local Bodies Election: मुंबईत काँग्रेस स्वबळावर लढण्याच्या तयारीत, महत्त्वाची माहिती समोर

स्थानिक स्वराज्य संस्थांच्या निवडणुका येत्या काही दिवसात लागणार आहे. याच निवडणुकांच्या पार्श्वभूमीवर सर्व पक्षांकडून तयारी सुरु झाली आहे. दरम्यान, यात बृहन्मुंबई महानगरपालिकेसाठी काँग्रेस स्वबळावर लढणार असल्याचे बोलले जात आहे. यासाठी काँग्रेसने तयारीदेखील सुरु केली आहे.

मुंबई महापालिका निवडणुकीच्या पार्श्वभूमीवर काँग्रेसने स्वबळावर तयारी सुरू केलीय. मुंबई काँग्रेसकडून इच्छुक उमेदवारांसाठी अर्ज वाटपास सुरुवात झाली आहे. गेल्या दोन दिवसांत शंभरहून अधिक अर्ज वितरित झाले आहेत. महाविकास आघाडी एकत्र येऊन लढणार का?, याबाबत संभ्रम कायम असताना काँग्रेसने उमेदवार चाचपणी सुरू करून स्वतंत्र रणनीती आखल्याचे स्पष्ट झालंय. काँग्रेसकडून संभाव्य उमेदवारांची सामाजिक आणि संघटनात्मक ताकद तपासली जात आहे. या हालचालींमुळे काँग्रेस मविआतून वेगळी भूमिका घेणार का?, याची चर्चा राजकीय वर्तुळात सुरू झाली आहे.