गोमांस विक्रीच्या संशयावरून मोठा तणाव; अकोल्यात दोन गट आमनेसामने, VIDEO

अकोल्यातील बैदपुरा भागात गोमांस विक्री करणाऱ्या दुकानावर टाकलेल्या धाडीवरून दोन गट आमने-सामने आले आहे. बैदपुरा भागात एका दुकानातून गोमांस विक्री सुरू असल्याची माहिती बजरंग दलाचे कार्यकर्ते आणि पोलिसांना मिळाली होती. बजरंग दलाचे कार्यकर्ते आणि पोलिसांवर दगडफेक आणि मारहाण झाल्याची प्राथमिक माहिती आहे. मात्र मारहाण झाल्याचा दावा पोलिसांनी नाकारला असून अकोल्यातील सिटी कोतवाली पोलीस स्टेशनसमोर दोन्ही गट आमने-सामने आले आहे.

दोन्ही गटांची एकमेकांविरोधात जोरदार घोषणाबाजी सुरु होती. खबरदारीचा उपाय म्हणून सिटी कोतवाली पोलीस स्टेशनसमोर पोलीस बंदोबस्त मोठा वाढवण्यात आला आहे. पोलीस स्टेशनसमोर भाजप, विश्व हिंदू परिषद कार्यकर्त्याची मोठी गर्दी जमा झाली होती. पोलीस स्टेशनमध्ये काँग्रेसचे आमदार साजिद खान पठाणही दाखल झाले आहे. थोड्याच वेळात भाजप आमदार रणधीर सावरकर पोलीस स्टेशनमध्ये पोहचणार असल्याची माहिती सूत्रांनी दिली आहे.