Video: अशोक चव्हाणांच्या कुटुंबीयांना मराठा आंदोलकांचा घेराव, जोरदार घोषणाबाजी; पाहा व्हिडीओ

मराठा आंदोलक आरक्षणाच्या मुद्द्यावरुन पुन्हा आक्रमक झाल्याचे पाहायला मिळाले. नादेंडमध्ये मराठा आंदोलकांनी भाजप नेते अशोक चव्हाण यांच्या कुटुंबीयांना घेराव घातला आणि जोरदार घोषणाबाजी केल्या. एक मराठा लाख मराठा अशा घोषणा मराठा आंदोलकांनी यावेळी दिल्या. अशोक चव्हाण यांची पत्नी आणि मुलीला मराठा आंदोलकांनी घेरलं होतं. मराठा आंदोलकांनी आरक्षणाची मागणी चांगलीच लावून धरली आहे. त्याचसंदर्भात आंदोलकांनी आक्रमक पवित्रा घेतलाय. त्यामुळे आता आगामी विधानसभा निवडणुकीच्या पार्श्वभूमीवर मराठा आरक्षणाचा मुद्दा चांगलाच तापल्याचं दिसून येत आहे. याचा मोठा फटका विधानसभेला बसण्याची शक्यता वर्तवली जात आहे.