राज्याच्या राजकारणात मोठा भूकंप होणार? ठाकरेसेनेचे 13 आमदार शिंदेसेनेच्या संपर्कात, कॅबिनेट मंत्र्याचा दावा|VIDEO

आदित्य ठाकरे यांनी शिंदेसेनेचे 22 आमदार फुटणार असल्याचा दावा केल्यानंतर आता शिंदेसेनेचे मंत्री संजय शिरसाट यांनी याला प्रत्युत्तर देत ठाकरे गटाचे 13 आमदार आमच्या संपर्कात असल्याचा मोठा दावा केला आहे. आजपासून विधिमंडळाचे नागपूरमध्ये कामकाज सुरू झाले आहे. सत्ताधारी आणि विरोधकांमध्ये विविध मुद्यांवर हे अधिवेशन चांगलेच तपण्याची शक्यता आहे. तत्पूर्वीच ठाकरे यांनी दावा केल्यानंतर राज्याच्या राजकारणात एकच खळबळ उडाली.

तर ठाकरेसेनेचे 13 आमदार शिंदेसेनेच्या संपर्कात असल्याचा दावा शिंदेसेनेचे आमदार संजय शिरसाट यांनी केलाय. त्या सगळ्या आमदारांची नावे माझ्याकडे आहे. वेळ आल्यावर त्यांची नावे जाहीरपणे सांगणार असल्याचं त्यांनी म्हटलंय. ठाकरेसेनेच्या कार्यपद्धतीला ते वैतागले असून ते लवकरच शिंदेसेनेत येणार असल्याचे संजय शिरसाट म्हणाले. आगामी महापालिका निवडणुकीच्या पार्श्वभूमीवर कोणाचा दावा सत्य ठरतो आणि राजकारणात काय उलथापालथ होते हे पाहणे महत्वाचे ठरणार आहे.