Santosh Deshmukh Case : संतोष देशमुख हत्या प्रकरण; आरोपी कृष्णा आंधळे फरार घोषित | VIDEO

बीड सरपंच संतोष देशमुख हत्या प्रकरणात आरोपी कृष्णा आंधळे याला फरार घोषित करण्यात आलेलं आहे. कृष्णा आंधळेचा ठावठिकाणा सांगणाऱ्याला बक्षीस सुद्धा जाहीर करण्यात आलेलं आहे.

बीडच्या मस्साजोगचे सरपंच संतोष देशमुख यांच्या हत्येला दीड महिना उलटून गेला आहे. या प्रकरणातील आरोपींना अटक व्हावी म्हणून मस्साजोगच्या ग्रामस्थांसह राज्यभरातून आंदोलन करण्यात आलं. सरकारने या प्रकरणी स्पेशन एसआयटी देखील स्थापन केली आहे. सध्या या संपूर्ण प्रकरणाचा तपास सीआयडी आणि एसआयटी करत आहे. हत्येनंतर खंडणी प्रकरणातील आरोपी वाल्मिक कराड पोलिसांना शरण आल्यावर त्यानंतर हत्या प्रकरणातील ७ आरोपींना पोलिसांनी तब्यात घेतलं आहे. मात्र आठवा आरोपी कृष्णा आंधळे हा अद्यापही सापडलेला नाही. पोलिसांकडून त्याला शोधण्यासाठी पथक देखील रवाना करण्यात आलेले आहे. आता कृष्णा आंधळे याला पोलिसांनी फरार घोषित केलं आहे. तसंच त्याच्याबद्दल माहिती सांगणाऱ्याला बक्षीस देखील देण्यात येणार आहे.