VIDEO: वन्समोर शब्दाला पर्यायी शब्द नाही, Balbharti वादाला Deepak Kesarkar यांच्याकडून समर्थन

बालभारतीचे इयत्ता पहिलीचे पुस्तक सध्या चर्चेचा विषय बनले आहे. मराठी विषयाच्या पाठ्यपुस्तकातील 'जंगलात ठरली मैफल' या कवितेत चक्क इंग्रजी शब्दाचा वापर केला आहे. निदान मराठीचा अभ्यास करताना भाषेचा तरी विचार करायला हवा होता, अशी टीका निवड समितीवर होत आहे. या कवितेच्या काही कडव्यांमध्ये हिंदी आणि इंग्रजी शब्दांचा वापर केला आहे. विशेषतः कवितेतील 'बात', 'शोर' व 'वन्समोअर' या शब्दांवर आक्षेप घेतला जात आहे. यावर आता दिपक केसरकर यांनी समर्थन दर्शवलं असून वन्समोर शब्दाला पर्यायी शब्द काय? असा सवाल दिपक केसरकर यांनी उपस्थित केला आहे.