Raj Thackeray : फालतू माणूस; राज ठाकरे महाराष्ट्राचे राजा आहेत काय? बिहारच्या मंत्र्याची जीभ घसरली

Bihar Bhavan Row in Mumbai: मुंबईत होणाऱ्या बिहार भवनामुळे महाराष्ट्राचे आणि बिहारचे राजकीय वातावरण तापले आहे. मनसे आणि शिवसेनेने (ठाकरे) मुंबईतील बिहार भवनाला उघडपणे विरोध, केला. मुंबईत बिहार भवन बांधून देणार नसल्याची भूमिका ठाकरे बंधूंकडून घेण्यात आलाय. या विधानांनंतर महाराष्ट्रापासून बिहारपर्यंत राजकीय वक्तृत्व तीव्र झाले आहे.

बिहारचे मंत्री अशोक चौधरी यांनी राज ठाकरेंवर टीकेची झोड उडवली. कोणत्याही परिस्थितीत मुंबईत बिहार भवन बांधणार असल्याची भूमिका त्यांनी घेतली आहे. राज ठाकरेंवर टीका करताना चौधरींची जीभ घसरली. राज ठाकरे महाराष्ट्राचे राजा आहेत, का? असा सवाल त्यांनी केला. हे फालतू लोक आहेत, कुणाचा बापही बिहार भवन बांधायला अडवू शकत नाही. बिहार भवनाचे बांधकाम थांबवण्याची ताकद कोणाकडेही नाही, असे अशोक चौधरी म्हणाले. त्यावर आता मनसे नेते अविनाश अभ्यंकर यांची प्रतिक्रिया समोर आली आहे. मराठी माणसाला दुय्यम समजू नका असा इशारा दिलाय.