VIDEO: 'आषाढी कार्तिकी भक्तजन येती', अशा आशयाची रंगरंगोटी, Ashadhi Ekadashi च्या निमित्ताने भाविकांचं स्वागत

आषाढी एकादशीच्या निमित्ताने पंढरपुरात लाखो भाविक दाखल झाले आहेत. चंद्रभागेच्या पवित्र स्नानासाठी नदीच्या तिरावर भाविकांची प्रचंड गर्दी पाहायला मिळत आहे. गर्दीने परिसर फुलून गेला असून नदीच्या दोन्ही तिरावर भाविकांची झुंबड उडाली आहे. उद्या आषाढी एकादशीचा मुख्य सोहळा साजरा होणार आहे. तर आज दशमीच्या दिवशी भाविकांनी पंढरपुरात मोठी गर्दी केलेली पाहायला मिळत आहे. चंद्रभागेच्या तिरी विठू नामाचा जयघोष सुरु आहे. मंदिरावरती फुलांची आकर्षक अशी सजावट करण्यात आलेली असून आषाढी कार्तिकी भक्तजन येती असा उल्लेख या मंदिराच्या रंगरंगोटीवर करण्यात आला आहे.