Worli VIDEO: पुन्हा वेगाचा बळी, वरळीतील अपघातग्रस्ताचा 7 दिवसानंतर मृत्यू

वरळीत पुन्हा एकदा अपघाताची घटना समोर येत आहे. वरळीत भरधाव कारच्या धडकेत एकाचा मृत्यु झाला आहे. २० जुलैला वांद्रे वरळी सी लिंक जवळ असेल्या अब्दुल गफार खान मार्गावर स्कूटर ला एका बीएमडब्ल्यूने मागून धडक दिली होती. या अपघातात २८ वर्षीय विनोद लाड गंभीर जखमी झाले होते. त्यांचा आता सात दिवसानंतर मृत्यू झाला आहे. अपघातात विनोदच्या डोक्याला जखम होऊन तो कोमात गेला होता. नायर रुग्णालयात त्याच्यावर उपचार सुरु होते. परंतु त्याने आता आपला जीव गमावला आहे. अपघाता प्रकरणी कार चालक किरण इंदुलकर विरोधात गुन्हा दाखल करण्यात आला आहे. ९ जुलैला अशाच प्रकारे भरधाव BMW कारच्या धडकेत कावेरी नाखवा यांचा मृत्यू झाला होता. अपघाता प्रकरणी शिंदे गटाचे उपनेते राजेश शहा यांचा मुलगा मिहिर शहा याला अटक झाली होती.