शिवचरित्राचे नवीन पैलू जगासमोर येणार! France मध्ये सापडली शिवरायांची नवीन अप्रकाशित बखर

फ्रान्समध्ये छत्रपती शिवाजी महाराज यांची जुनी, अप्रकाशित अशी प्राचीन बखर सापडली आहे. ही बखर मोडी लिपीत आहे. या बखरीत छत्रपती शिवाजी महाराज यांचा संपूर्ण कारकिर्द आणि छत्रपती संभाजी महाराज यांच्या कारकिर्दीचा प्रारंभ आहे. या बखरीतून शिवचरित्राचे अनेक नवीन पैलू समोर येण्याची शक्यता आहे. नॅशनल लायब्ररी ऑफ फ्रान्स येथे काही जुनी कागदपत्रे चाळत असताना पुण्यातील इतिहास संशोधक गुरुप्रसाद कानिटकर आणि मनोज दानी यांना ही बखर सापडली आहे.