Alphonso Mango: अक्षयतृतीया सेल! आंब्याच्या दरात घट, खरेदीसाठी बाजारात नागरिकांची झुंबड|VIDEO

साडे तीन मुहूर्तांपैकी एक असलेल्या अक्षय्य तृतीयेसाठी कोकणातून पुणे, मुंबईसह राज्यातील प्रमुख बाजारपेठांत हापूसची मोठी आवक सुरू झाली आहे.

आवक वाढल्याने दरात घट झाली असून, तयार हापूस बाजारात मोठ्या प्रमाणावर उपलब्ध झाला आहे. प्रकारांनुसार हापूसचा दर ५०० ते ८०० रुपयांपर्यंत आहे. हंगामातील दुसऱ्या टप्यात आंब्याची आवक वाढली असून बाजारात तयार आणि कच्चा आंबा मोठ्या प्रमाणावर उपलब्ध झाला आहे. उद्या होणाऱ्या अक्षय्य तृतीयेनिमित्त पुण्यातील मार्केट यार्ड मध्ये आंबा खरेदीसाठी मोठी गर्दी पाहायला मिळतेय. खरेदी चांगली होत असल्याने उत्पादक सुद्धा यामुळे समाधानी आहेत.