Ajit Pawar Ladki Bahin Yojana : लाडक्या बहिणींना २,१०० मिळणार? अजित पवार थेट म्हणाले, आमची परिस्थिती..

Ajit Pawar : 'लाडक्या बहिणींना २,१०० देणार नाही असे आम्ही म्हटले नाही. पण आर्थिक परिस्थिती पाहून लाडक्या बहिणींना २,१०० रुपये देऊ', असे विधान उपमुख्यमंत्री अजित पवार यांनी केले आहे. शेतकरी कर्जमाफीबाबत माहिती गोळा करण्याचे काम सुरु असल्याचे अजित पवार यांनी म्हटले आहे. त्यामुळे लाडक्या बहिणींसह शेतकऱ्यांना दिलासा मिळणार असल्याचे म्हटले जात आहे.

अर्थसंकल्पीय अधिवेशनामध्ये अजित पवार म्हणाले, आम्ही असं म्हटलं नाही, की आम्ही २,१०० रुपये देणार नाही. आम्ही ते देणार आहोत, आर्थिक परिस्थिती बघून आम्ही पैसे देऊ. सगळी सोंग करता येतात, पण पैशाचं सोंग करता येत नाही. त्या पद्धतीने आमचं काम सुरु आहे. आमच्या लाडक्या बहिणींना २,१०० रुपये देणार आहोत. सध्या आम्ही कबूल केल्याप्रमाणे १,५०० रुपये देतोय. आमची परिस्थिती सुधारली की आम्ही २,१०० रुपये देऊ.