बारामती नाही, मग अजित पवार कुठून लढणार? पाहा VIDEO

आगामी विधानसभा निवडणुकीत अजित पवार हे शिरूर मतदारसंघातून लढण्याची शक्यता आहे. लोकसभेत बारामतीत झालेल्या पराभवानंतर अजित पवार विधानसभेला बारामतीतून लढतील का याबद्दल साशंकता होती. मात्र आता अजितदादा हे शिरूर मतदारसंघातून विधानसभा निवडणूक लढवणार असल्याचं बोललं जात आहे.

अजित पवार यांनी याआधी देखील ते बारामतीतून विधानसभा लढणार नसल्याचे संकेत दिले होते. आता त्याच पार्श्वभूमीवर ते शिरूरमधून लढणार असल्याचं बोललं जात आहे. खरतर हा विधानसभा मतदारसंघ पारंपरिकपणे भाजपच्या तब्यात आहे. मात्र इच्छुक उमेदवारांच्या मुलाखतीत शिरूर मतदारसंघातून कोणाची मुलाखत घेण्यात आलेली नाही. त्यामुळे शिरूरमधून अजित पवार लढतील असं बोललं जात आहे. दरम्यान, अजित पवार या गटातून लढणार असल्याच्या चर्चेने आता शिरूरमधल्या अजित पवार आणि भाजपच्या कार्यकर्त्यांत उत्साही वातावरण आहे.