मुंबईनंतर पुण्यात कबुतरांच्या खाद्यबंदीचा वाद, महापालिकेच्या निर्णयाला हायकोर्टात आव्हान

सचिन जाधव, साम प्रतिनिधी, पुणे

मुंबईत कबुतरांना खाद्य देण्यास बंदी घालण्यात आली आहे. मुंबई महापालिकेनं दादर पश्चिम येथील कबुतरखाना बंद केला होता. त्यावर ताडपत्री लावली होती. यावरून मोठा वाद निर्माण झाला होता. हा वाद अद्याप सुरू असतानाच, कबुतरांना खाद्यबंदीचा वाद पुण्यातही ऐरणीवर आला आहे. हा वाद आता हायकोर्टापर्यंत पोहोचला आहे.

पुणे महापालिकेने शहरात २० सार्वजनिक ठिकाणी कबुतरांना खाद्य देण्यास २०२३ मध्ये बंदी केली. या बंदीचे उल्लंघन करणाऱ्या नागरिकांवर महापालिकेकडून दंडात्मक कारवाई केली जाते. या बंदीला आव्हान देणारी याचिका पुण्यातील शाश्वत फाउंडेशन या स्वयंसेवी संस्थेने मुंबई हायकोर्टात केली आहे.

काय आहे नेमका वाद?

• पुण्यात कबुतरांना खाद्य देण्यास बंदी, महापालिकेच्या निर्णयाला हायकोर्टात आव्हान

• महापालिकेने शहरातील २० ठिकाणी कबुतरांना खाद्य टाकण्यास केलीय बंदी

• उल्लंघन करणाऱ्यांना ५०० रुपयाचा दंड

• शाश्वत फाउंडेशनचा या बंदीला विरोध, हायकोर्टात याचिका दाखल

• २०२३ मध्ये पालिकेने घेतला होता निर्णय

• कबुतरांचा हक्क हिरावून घेतला जात असल्याचे संस्थेचे म्हणणे आहे.