Viral Video : तीन वर्षांच्या चिमूकल्यासह बनवत होते रील, पुढे जे झालं ते..

मोबाईल खेळताना किंवा रील्स बनवण्याच्या नादात अनेक वेळा अपघात होत असतात. यात अनेकांना आपला जीव देखील गमवावा लागतो. तरीही यातून कोणताही धडा न घेता लोक आपला जीव धोक्यात टाकून रील्स बनवण्याची आपली हौस पूर्ण करत असतात. असाच रील्स बनवण्याचा स्टंट एका कुटुंबाच्या जिवावर बेतला असून यात पती - पत्नीसह 3 वर्षांच्या चिमूकल्याला आपला जीव गमवावा लागला आहे.

उत्तर प्रदेशच्या लखीमपूर जिल्ह्यात रेल्वे रुळावर रील्स बनवताना अचानक रेल्वे आल्याने एकाच कुटुंबातील तिघांना जीव गमवावा लागल्याची दुर्दैवी घटना घडली आहे. यात पतीपत्नीसह एका 3 वर्षांच्या मुलाचा देखील समावेश आहे. त्यामुळे पूर्ण कुटुंबच या घटनेने संपल असल्याने परिसरात हळहळ व्यक्त केली जात आहे. दरम्यान, या घटनेची माहिती मिळताच आजूबाजूच्या परिसरातील नागरिकांनी घटनास्थळी गर्दी केली होती.